Pagkakaiba ng tradisyunal at modernong pamamaraan ng pagtuturo sa maikling kwento sa aspeto ng antas ng pagkatuto ng mga mag-aaral / Rustom John S. Cruz; Alfred Endraca; Jerome H. Lacsina and Loiuse Ann V. Valena. 6

Undergraduate Thesis: (Batsilyer ng Sekundaryang Edukasyon sa Pananaliksik sa Wika at Panitikan II) - Pamantasan ng Lungsod ng Maynila, 2015. 56

5

ABSTRAK: Ang pag-aaral na ito ay isinagawa ng mga mananaliksik upang matukoy ang pagkakaiba ng tradisyunal at modernong pamamaraan ng pagtuturo sa maikling kwento sa aspeto ng antas ng pagkatuto ng mga mag-aaral. Ang pag-aaral na ito ay nakatuon lamang sa pagkakaiba ng tradisyunalmat modernong pamamaraan ng pagtuturo sa maikling kwento sa antas ng pagkatuto ng mga mag-aaral sa sekundarya at mula rito, nais matugunan ng mga mananaliksik ang mga katanungang may kaugnayan lamang ditto: (1) antas ng pagkatuto sa tradisyunal na pamamaraan ng pagtuturo ng maikling kwento; (2) antas ng pagkatuto sa modernong pamamaraan ng pagututo sa maiking kwento at; (3) ang pagkakaiba ng antas ng pagkatuto sa pagitan ng tradisyunal at modernong pamamaraan ng pagtuturo sa maikling kwento. Ang populasyon ng pag-aaral ay ang mga mag-aaral sa Baitang 9 na may tatlong seksyon na binubuo ng 35 mag-aaral na may kabuuang 105 mag-aaral. Mula sa tatlong seksyon na ito, kumuha ang mga mananaliksik ng dalawang seksyon bilang sample na may kabuuang 66.66%. Ang sampling technique na ginamit ay purposive kung saan ang mga pangkat ay kinuha sa pamamagitan ng mga sumusunod na inclusion criteria: (1) nasa Baitang 9; (2) not-homogeneous mixture at; (3) kumukuha ang asignaturang Filipino. Ang ginamit na instrument sa kwantitatibong pag-aaral na ito ay pagsusulit ng pretest posttest. Ito ay assessment at evaluation instrument na magagamit upang alamin ang priority knowledge scores at summative scores ng mga mag-aaral bago at matapos ang pagtuturo ng maikling kuwento gamit ang tradisyunal at modernong pamamaraan. Natukluasan ng mga mananaliksik na lubos na mahina ang grupo sa isinagawang pagtuturo ng maikling kuwento sa tradisyunal na pamamaraan (lektur). Ito ay napagtibay ng kanilang composite mean na 66.25 sa pretest at 66.97 sa posttest na may kabuuang composite mean na 66.61 o beginning. Napag-alaman din ng mga mananaliksik na lubos na natuto ang grupo sa isinagawang pagtuturo ng maikling kuwento sa modernong pamamaraan (pangkatang Gawain). Ito ay ay napagtibay ng kanilang mean na 55.74 sa pretest at 68.52 sa posttest na may kabuuang composite mean na 62.13 o beginning'. Nangangahulugan na ang tradisyunal na pamamaraan sa pagtuturo ng maikling kuwento ay walang pagkakaiba sa student achievement sapagkat .17 o bahagya lamang ang naiangat sa mean ng posttest sap retest. Mas magiging mataas ang grado ng mga mag-aaral sa pag-aaral ng maikling kuwento kung gagamitan ng modernong pamamaraan (pangkatang Gawain). Ito ay napatunayan sa resulta ng paired sample t-test sap retest at posttest na may pang-angat na 13.35. Samantalang sa independent sample t-test ay nagtalaa naman ng 2.30 na pang-angat.

5